《所有關於脂肪，你要知道嘅嘢4 》

脂肪嘅儲存、轉化、分解、氧化去到呢度都講晒，但個故事未完，仲有一個過程叫做「脂肪的再合成」。頭先提到血液入面嘅游離脂肪酸會被拉去線粒體燃燒，咁有冇一個可能性係三酸甘油脂分解咗之後，但因為冇運動（所以冇能量需求），所以冇被拉入線粒體燃燒？

有！基本上脂肪嘅分解每分每秒都發生緊，如果脂肪分解嘅數量大過脂肪需要氧化嘅數量，呢啲游離脂肪酸係會重新合成返變三酸甘油酯，儲存落嚟。

呢個重任，當然又係我哋嘅好朋友—肝臟負責（真係乜都關佢事）。

同理，如果肝臟負荷過大，佢合成嘅脂肪未必可以全數運走，部份會留返喺肝臟附近。當呢個過程持續發生，身體中央嘅位置會越嚟越多脂肪，形成內臟脂肪。