脂肪分解係全身性，你冇得選擇分解邊個部位，係由基因同激素決定，所以冇局部減肥呢回事。
但脂肪嘅再合成並唔係全身性，部份會運返「鄉下」，部份會留喺「中央」。呢個過程日復一日，最後就會造成四肢瘦，肚腩大嘅中央肥胖。
呢個時候，你會諗脂肪分解得太快，其實都唔係一件好事！負責控制我哋脂肪分解速度嘅關鍵激素就係大名鼎鼎嘅「皮質醇」！
皮質醇係人體最重要嘅「分解激素」之一（相反，胰島素係我哋最重要嘅合成激素）。我哋唔可以冇皮質醇，冇佢就冇脂肪分解，只係皮質醇唔好長時間維持高水平，如果唔係脂肪分解會太快，但我哋消耗量又追唔上，脂肪就要重新合成，肝臟負擔變大，脂肪堆積係中央。
所以「過高」嘅皮質醇係造成我哋肚腩大嘅元兇，可以解釋到點解高壓嘅文職工作容易有個大肚腩（皮質醇高，運動量低）。
我哋最需要提升嘅，唔係脂肪分解，而係脂肪氧化嘅效率。而可以提升脂肪氧化嘅產品少之又少，最常見係呢三樣：咖啡因、兒茶素（綠茶）、辣椒素（辣嘢）。以辣椒素嚟講，個體耐受性差異好大（人人食辣程度唔同）。
沒有留言:
發佈留言