《疏離與親密之間》

「凍」、「疏離感」嘅相反就係「熱」、「親密感」；除咗「冷冰冰」、「冷血」、「冷酷如冰」嚟形容一個人對其他人嘅「疏離感」，我哋另一方面亦會用「溫暖」、「熱情如火」、「慾火焚身」、「火辣辣」嚟形容「親密感」。

有圍爐嘅親密，亦同時代表有散席伴隨而嚟嘅疏離。

散席過後，又去番「一個人戰鬥」的狀態。作為一個有獨立思想嘅人，就算身邊有幾多親朋好友都好，人生大部分時間、大部分決擇的最終決定權都掌握在自己手中。

任旁人意見再好，未必完全適合自己，就算適合，亦要時間吸收內化，作思想沉澱，收為己用。

只有獨處嘅時間i.e Me time，我哋先有空間去思考平時喺待人處事上，有咩做得唔好，點樣針對性改善、有咩做得好，要繼續喺呢一方面努力等等。

識得享受Me Time嘅呢一種境界，中文可以叫「自得其樂」、「寂而不寞」，而英文亦有一個好優雅嘅字去形容，嗰字叫做「Solitude」：

「Solitude is the state of being alone without being lonely. It is a positive and constructive state of engagement with oneself.」

無論學乜嘢都好、做乜嘢都好，要追求進步乃至卓越，反思過程絕不能缺少，而反思能力亦都係「一般人」和「成功人士」(我對於「成功」嘅定義不是在於搵到幾多錢，而係在於喺自己想做嘅範疇裡邊，能夠揮灑自如發揮自己嘅潛能)的分野。而反思嘅首要和唯一條件，就係「獨處」。

「太極生兩儀、兩儀生四象、四象生八卦。」「疏離」與「親密」之間，不是非黑即白，亦有層次之分。兩者同樣重要。份量要適中。

Me Time過後，都要有啲We Time調和一下嘅。正如美斯贏咗世界盃後，拎到呢個世界最高榮譽後，第一時間諗起嘅，就係佢老婆同埋佢三個仔。連曾經「同床共枕」嘅親密戰友阿古路都要「行開」。