黑社會/ 犯法事情/ 不公平事無處不在，咁警察/企業管治師幾時先做嘢？
要講呢個題目，咁就要拖埋核數師(Auditor)落水，大家應該都知，核數報告四種意見。其實，核數報告的四種意見某程度上，是以風險管理(Risk Management)為基準作考量，坊間的Risk Register的評分基準為1至5分，Materiality 5分為滿分，而Frequency亦以5分為滿分，將Materiality和Frequency兩者相乘，25分為總分，最低分為1分，分數越高，風險越高，而亦需要處理，一般而言，15分或以上為之「高風險」。
一般來說，核數師會在核數報告上發表四種意見：
無保留意見 (Unqualified opinion)
不存在重大失實陳述，便會發表「無保留意見」(Unqualified opinion)，行內稱之為Clean Report。我認為，「不存在重大失實陳述」，意指Materiality 1分，Frequency由1分至5分不等。
保留意見 (Qualified opinion)
如果核數師認為財務報表出現重大但並非廣泛的失實陳述，或未能取得充足的核數憑證，就會發表「保留意見」(Qualified opinion)。核數師會在核數報告中指出問題所在。我認為，「保留意見」，意指Materiality 5分，Frequency由1分至2.5分不等。
否定意見 (Adverse opinion)
如果核數師認為財務報表有重大及廣泛的失實陳述，就會發表「否定意見」(Adverse opinion)。我認為，「否定意見」，意指Materiality 5分，Frequency由3分至5分不等。
無法表示意見 (Disclaimer of opinion)
如果核數師認為無法取得充足證據去做核數，及有失實陳述可能會造成重大影響，就發表「無法表示意見」(Disclaimer of opinion)。我認為，「無法表示意見」，意指Materiality 5分，Frequency由1分至5分不等。
亂過馬路衝紅燈，一不小心很有可能被車撞死，那為甚麼仍有一堆人以身犯險呢？因為，雖然衝紅燈的後果可以很嚴重，Materiality爆晒燈，去到5星，但Frequency為1分 (其實1分都冇，可能是0.01分)，發生或然率太低。但我想講，我有試過見到啲司機衝綠燈，邊個話你聽綠燈過馬路一定安全？明知有人都衝綠燈的司機 (夜晚晚條街冇人唔計啦)，我屌你老母，因住收尾果幾年。
洗黑錢，Frequency爆晒燈，去到5星，但係Materiality，咁喺冇明顯損害普羅大眾利益，利大於弊的前題底下，走私日常用品這一類小惡就不被重視，兩餸飯、菜檔、海鮮檔，佢啲肉走唔走私/個檔口係唔係社團人士持有我都係咁食，作為消費者我只想享受到平價的東西。
點樣增強/操控事情嚴重性，以至警察/企業管治師要做嘢？
首要將Frequency和Materiality增加至嚴重性。有咁大吹咁大，玩大原則，講Corporate Governance，講到你係為公義 (benefit the society as a whole)而作出申訴，而又係一啲人畜無害、踏不到紅線的大原則。
而平民嚟講，最容易利用的工具叫做傳媒，傳媒可以將Materiality和Frequency由1分，煲大到5分，去到25分總分。傳媒寫的角度，寫一件事的Framing，可以將Materiality由1分提升至5分，而傳媒大肆報導，可以將Frequency由1分提升至5分。
傳播及出版行業，知道請一個人成本好高。一個人最盡咪最多寫一萬、兩萬字，四、五篇文，呢個係好理想的情況，當然實際上都未計要時間去採訪、整理稿件、按照上頭指令更改內容、加入圖片等等，你咪睇下一份報紙有幾多十萬字，從而計下養一個人有幾貴。一個人一日寫到一萬字 (甚至五、六千字)都偷笑。
之但係，點解傳媒咁燒錢都有人做？就係透過輿論壓力，增加Frequency去令到一件本應不太重要的事，透過不斷洗腦式的報道，推舉一啲Agenda/Propaganda，而令其變得重要。
傳媒的本質就是不中立，沒有中立的媒體，傳媒機構人手、篇幅有限，選擇報導那一樣新聞本身已經是一個「不中立」的舉動，那怕是甚麼立場(而選擇Quote那一類受訪者亦是另一個「不中立」的舉動。「狗咬人唔係新聞，而人咬狗先係新聞」，新聞某程度上是「惟恐天下不亂」，Fear is what that sells。
咁係咪要避開新聞唔睇？當然唔係。我想強調的是，睇新聞唔用腦，係衰過唔睇，係會睇壞腦。我有朋友屋企係冇電視，唔畀佢小朋友睇電視，唔想佢係填鴨式底下吸收資訊。要識得睇新聞，就要培訓自己的媒體素養(Media Literacy)，而批判性思考(Critical Thinking)是媒體素養的重要一環，有機會再講下媒體素養是甚麼一回事。
沒有留言:
發佈留言