最低工資事實唔係一個令基層員工脫貧嘅方法，而係吊住條命，永遠窮落去，生不如死嘅玩法。市場係唔講大話嘅，邊度唔夠人，人工就搶高。市面上學歷高嘅人，係少過學歷低嘅人。所以讀完一個大專學位，會肯做保安、清潔、樓面嘅人並不多，扶貧永遠係不患寡而患不均，就係因為當你只幫一撮人，其實係傷害左其他人。
得罪講句，而家仲拎緊最低工資嘅人，真係已經係去到老細覺得有冇都冇所謂嘅人，係生產力極低嘅人，今時今日嘅勞動市場，根本唔需要你。大家記唔記得有樣野叫漣漪效應？當初有商界擔心會有漣漪效應，令所有人人工都加。事實上？人工水平係因為最低工資拉直左，扭曲左市場機制。大約去左搵6萬一個月以上嘅人，有冇最低工資，其實對佢地冇分別。因為消費品有分必要同非必要。
非必要物品要加價，係睇消費者願意俾幾多錢買，呢個同經濟好唔好，同你件野有幾吸引有關。必要品呢？例如食物、租金、交通、醫療，教育之類，係講緊你能夠負擔幾多。當窮人能夠負擔嘅能力上升，呢d野係一定上升，你加幾多，佢加幾多。
隨著不可逆的時間，生活有如逆水行舟，知足便會不進則退。聽聽老一輩細說年輕時的生活，再對比一下眼前年輕人面對的爛香港。人變多，路變擠，房變小，租卻加，飯變貴，所有成本都猛增，但薪水卻只提升一點點，富人的房子越住越大，窮人的房子越住越小。
知足常樂只能作為短時間內的信念，長期來說敵不過時間，因為社會充斥著逐點逐點剝削你美好生活的牛鬼蛇神，有權有勢的人會千方百計將大眾的財富轉移給自己，大眾本身亦存在競爭，想原地踏步也不容易，瞬息萬變的世界會懲罰吃老本的人，不改變的話就會連自己的地盤也早晚被佔據。
我們普通人，想好好生活，是要努力的。
沒有留言:
發佈留言