《從黑社會學習企業管治1》

黑社會深明遊戲規則，才可以將所有遊戲規則調轉來玩。黑社會，要Accountability，冇Accountability；要Responsibility，冇Responsibility；要Fairness，冇Fairness；要Transparency，冇Transparency；要Honesty/Integrity，冇Honesty/Integrity；要Independence/Objectivity，冇Independence/Objectivity；最後，要Reputation，冇Reputation。逐個企業管治原則與大家解釋。

1. Accountability /「問責」

Accountability這個字要翻譯作中文比較困難，較以理解的翻譯為「問責」，除了當事人以外，要向上邊邊一個人追究責任。以公司為例，董事Director擁有最終問責，當涉及到損害公司整體利益(benefit the company as a whole)的，董事被問責的機會就越大。

套入黑社會層面，做得犯法嘢之前，當權者當然要思考到最好和最壞情況(我們平時沒有甚麼危機意識，大可以從黑社會文化身上學習風險管理Risk Management)，如何可以來一招金蟬脱殼，通常都係插贓嫁禍，「推啲𡃁去死」，問題只係有冇畀足「安家費」而已，但拎完「安家費」仲有冇命享？因為，只有死人才能保守秘密。呢啲Inconvenient Truth，古惑仔自己都知道，出得嚟行，預咗要還，有明確的Expectation Management，要畀人搞，都冇辦法。黑社會「易請難送」，Once a black，always a black。

你想捉到賊王？冇咁易。即是執法機構明知道你是賊王，全世界、全宇宙都知道你係賊王，但基於法治國家刑事司法通行的無罪假定(Presumption of innocence)法律原則，沒有實質證據，是捉唔到你入冊的。所以啲大賊，個個有名有姓，但仲可以喺法網下活得逍遙自在。

2. Responsibility / 「責任」

黑社會(唔單止黑社會，凡人社會都係)為了令有效率行事，在某些常規性工作有明細分工，近來越嚟越多的電話騙案、網騙為其中一些例子。由於黑社會的業務大部分都是唔見得光的，如果有太確實的分工，就會變得有跡可尋，所以黑社會的職責及責任上理論上是「亂中有序」的。

3. Fairness / 「公平」

黑社會之所以賺到大錢，就是透過剝削其他人的權益使利潤最大化。而肥上瘦下是基本，大佬搵大錢而最細啲𡃁就搵唔多。有人講過，黑社會食物鏈就好似M記架構咁樣，大部分M記員工都係搵緊最低工資以上多一點，而去到最高級的管理層就搵好多錢。

所以黑社會踢人入會係sell願景，你畀心機啲，到時上到位，大把錢你執，好似M記/飲食業果個晉升階梯咁 (職級分到好細，主任級同副經理之間可能只係差二千蚊人工，而普通待應員工同高級待應之間又係差一千蚊人工，主任同高級待應又係差一千到千五蚊人工不等)。

部分社團人士有份餐廳職員、倉務員、貨車司機等體力勞動正職，但你估白領冇社團人士咩 (呢個世界有樣嘢叫「白紙扇」、「白手套」等)，而我相信各行各業都有黑社會，有龐大利益的地方，就有黑社會的存在。與黑社會講Fairness，即是等於與跟素食者講食牛扒，九唔搭八，大欖都扯唔埋。

4. Transparency / 「透明度」

話明係「黑社會」，以賺錢為主要目的，要賺大錢，多數都係要從事非法活動。因為黑社會活動「唔見得光」，正所謂，國有國法，家有家規，盜亦有道，沒有一些基本原則/潛規則行事的話，實在難以凝聚眾人，黑社會禁忌有「勾二嫂」、「做二五仔」等，以企業管治理解，黑社會只是一間結構比較鬆散的公司。

黑社會就是利用資訊不透明 (Information Asymmetry)，做獨市生意，而資訊透明度不足，要捉他們的難度亦提高。邊個透露公司機密 (Insider Information)，邊個就要受家法處置。當一樣東西玩弄到極致就是藝術，股票市場如是、職場玩弄Information Asymmetry，沒有誰比誰高尚。

5. Honesty/Integrity / 「誠實」、「正直」

做得「偷、呃、扔，騙」，喺從事黑社會活動時，講甚麼Honesty/Integrity呢？

6. Independence/Objectivity /「獨立」、「客觀」

由於黑社會係一個以自己人為核心運作 (Insider-Dominated Structure)的團體，情況就類似家族企業 (Family-owned Business)或者國有企業 (State-owned Enterprise)的運作模式，上市公司都起碼有INED (當然亦有好多INED好盡責)做下樣，黑社會要有人第三方監察？唔好玩啦。咁當然黑社會咁多利潤要搵人做核數都下Internal Control好合情合理，睇下有冇人「穿櫃筒」食夾棍。

題外話，奧地利心理學家阿德勒講過：「幸福的人用童年治愈一生，不幸的人用一生治愈童年。」黑社會，尤其係行威權式教育的華人社會特別嚴重，父母好可能係我哋人生面對最惡嘅「黑社會」，唔少人有社交問題都係因為細個沒有健全心理發展而遺留下來的問題，「原生家庭」，呢四個字仲難聽過粗口，「家庭會傷人」、「父母會傷人」、「情緒勒索」呢啲書賣到成行成市，不無道理。呢啲係大家唔想宣之以口的Inconvenient Truth。

7. Reputation /「名聲」

黑社會「臭名遠播」，人盡皆知，這是選擇從事黑色行業的後果。

由於「凡人社會」有又黑又白的情況，最難捉摸。所以，我有朋友跟我說「同黑社會人士相對仲舒服過同所謂白領相處，佢哋份人多數簡單、直接，明刀明槍，一就一，二就二，唔會轉彎抹角。辦公室啲人，陰啲陰啲咁害人，笑裡藏刀仲更加值得我提防。」