通常同我講「散叫食物同嘢飲唔跟餐好貴」嘅人，會習慣響餐牌上面揀人哋揀咗俾佢嘅嘢，即係嗰啲A B C D E餐如果唔啱食都要焗揀。
如果我焗住揀，只會係因為趕時間，費事廚房煮啲唔熟手嘅嘢，絕對唔會因為跟餐抵啲。
我發現通常話「咁樣叫嘢食好貴」或者唔捨得嘅人，佢哋唔係真係冇呢個錢，而係佢哋個感覺係貧乏（lack），你會見到佢哋有錢去旅行、養車、買衫、買鞋、買演唱會飛、買錶、買玩具，但同你講你散叫好貴。
我覺得你真係咁慳咩？係慳咗啲乜？
所以同錢嘅關係好關乎信念系統，大把揾好多嘅人，使錢都就住就住，開口埋口話呢樣貴嗰樣貴，俾你嫌到世界上好似冇一樣嘢唔貴、冇一樣嘢物有所值咁，有時啲嘢貴唔貴唔係數字問題，係你價值擺响邊嘅問題。
乜都話唔好、唔係、唔得，人生凡事係：好呀、係呀、得呀，唔好啲咩？
沒有留言:
發佈留言