《所有關於碳水化合物，你要知道嘅嘢2 》

添加糖成份好簡單，通常有兩種單醣組成，葡萄糖同果糖。所以消化速度極快。

葡萄糖：升糖指數嘅benchmark，100，無需任何轉化直接可以被人體所用，對胰島素阻抗同糖尿病人十分唔友善。

另一方面，因為呢個性質，運動員或者病人或者需要快速補充能量嘅情況下，葡萄糖不可或缺。

果糖：一定要先經過肝臟，轉化為葡萄糖，人體先可以用。所以升糖指數低。但會對肝臟造成壓力，長期大量攝取的話，會造成脂肪肝同尿酸過高，係內臟脂肪嘅元兇。

你見到市面上嘅白砂糖、紅糖、蔗糖、冰糖、果葡糖漿、粟米糖漿、麥芽糖漿等等，全部都係同一樣嘢：葡萄糖加果糖組成嘅添加糖，營養同健康角度上冇任何分別，只係味道不同。

順帶一提，呢度講嘅果糖，同生果入面嘅果糖係一樣。但生果入面嘅碳水，唔係剩係得果糖，仲有我哋嘅朋友，膳食纖維。互相抵銷嘅情況下，生果其實係可以食用，不過要注意食用嘅方式同份量。例如榨汁同連皮食效果差好遠。不過今時今日嘅生果營養，未必同營養標籤上嘅一樣，商人為咗追求口感，透過改造，越嚟越甜，果糖含量越嚟越高。所以個人係唔建議減肥期間食生果，要食都只可以食少量。