《所有關於碳水化合物，你要知道嘅嘢6 》

1克碳會結合2-4克水，當身體消耗咗大量肌糖，同時會流失大量水份，體重隨之下跌。亦都解釋咗cheat day之後，體重通常會上升1-2公斤。原因係食咗太多碳水同埋鹽（鈉），造成水份滯留。並唔係脂肪，人體1公斤脂肪等於7700大卡，除非你食咗7000大卡食物，如果唔係唔需要擔心。

大家有陣時會倚賴健身室內inbody機去量度體脂率同肌肉量。其實唔係好準，目前呢種電阻技術只可以量度體內水份，偏偏水份係人體最波動嘅物質（人體有七成都係水）。

如果你想操控inbody機嘅數據，例如想增加肌肉量，應該喺健身之前上磅，呢個時候肌肉入面嘅肌糖充足，機器會當係肌肉咁去睇。健身之後，肌糖用盡，另加出汗，身體水份流失，機器顯示嘅肌肉量就會下跌。