肥胖並唔係一日養成的。長時間缺乏運動、飲食唔健康等等，長時間下來得出嘅結果。偏偏好多人都會想以極速減肥方法達致自己嘅理想身形或者體重。
1️⃣ 你為何需要極速減肥？
試想想你用多年累積嘅壞習慣，令身體積存多餘嘅脂肪，又點可能一下子瘦下來？若然無任何特別嘅短期目標，說真的減肥係一個持久戰，都市人其實好多時都係需要改變自己雜亂無章嘅生活習慣，就可以成功改善到體態。
2️⃣ 名人的減肥觀念就是正確嗎？
好多時係網上會流傳明星嘅減肥餐單，如：女明星只喝液體減下30磅等等。可能佢哋有拍攝上嘅需要，而呢啲快速減磅捷徑就等於正確嗎？背後佢哋所配合嘅運動、減磅後身體承受嘅副作用等等我地完全唔知道，切忌盲目仿效。
3️⃣ 你知道極速減肥會帶來的副作用嗎？
一般極速減肥都係令你身體處於低熱量攝取、並且造成營養不均嘅情況。加上肌肉流失，會令身體抵抗力變差，造成身體虛弱，容易出現感冒、脫髮、腰酸骨痛等等嘅情況。女性若然長期處於低熱量攝取，更會出現月經失調甚至停經等情況。
4️⃣ 你了解所用的藥物會帶來什麼風險嗎？
坊間流傳好多偏方、藥物等等。好多時我地都唔清楚藥物嘅內容物以及所帶來嘅風險。而每個人嘅體質亦不一樣，我地並唔可以估計到身體吸收後會作出什麼反應。有可能會有心悸、上吐下瀉、嗜睡呢啲即時反應；甚至會為身體帶來好大負擔出現未知的後遺症。
5️⃣ 你能夠長期維持這個方法嗎？
改變體態亦都講求持久度，短期維持呢啲方法可能有效，但長期來講不但對執行者要求十分苛刻，更可能會影響社交及人際關係。試幻想你可以長期維持這樣的飲食方式嗎？
6️⃣ 你願意承受反彈的風險嗎？
以上所提及到可以令你喺短時間內瘦5-10kg嘅方法，一般前期都係減走身體水分、之後係肌肉、再者係脂肪。隨之身體因流失肌肉而基礎代謝率下降，令你喺回復正常飲食後只要稍稍不留神，就會復重甚至比減肥前重。令你進入一個惡性循環，越減越難減！
7️⃣ 你願意犧牲身體健康嗎？
想改善身形體態，解決肥胖問題想當然就是想對自己的身體健康負責任。若然用上一些不健康的減肥方法，這豈不是本末倒置嗎？得到一時的減肥成果，賭上身體一世的健康，減肥前記得先要問清楚自己以上這七個問題。
沒有留言:
發佈留言