《減脂係咪一定要Chur盡先有效？》

普遍人想減肥減脂就會諗到要跑步chur到盡，要跑山爆哂汗咁，係咪諗住做完一堆高強度有氧之後就覺得一定減到肥，覺得消耗咗好多卡路里呢？但又有冇諗過，輕輕鬆鬆都可以減到脂呢？

通常我地身體能量來源主要為肝糖，血糖同埋脂肪，其次先係蛋白質、酮體。

能量來源嘅選擇由運動強度嚟決定，因為運動嘅強度會影響到各種賀爾蒙同埋身體能量供應系統。

運動強度低嘅時候，例如係一啲輕鬆嘅慢跑，身體能量供應足夠就會壓抑肝糖同血糖嘅來源，所以主要係以脂肪嚟做能量。

相反，運動強度高嘅時候就主要以肝糖同血糖去做能量來源、反而會壓抑脂肪嘅消耗。

簡單啲嚟講，輕鬆又持續嘅慢跑比起你Chur盡自己跑到冇哂力嘅減脂效果可能更加好。

但其實講到尾，最緊要都係卡路里盈餘，低強度嘅運動只係一個幫手減脂嘅工具。