雖然我的出生未能讓我成為貴族，但我認為，真正的貴族精神應該係咁「因為我享有特權，所以我有責任守護比我弱小的人，尊重地位比我低的人。」
你唔鍾意人唔排隊，亂霸位、圖書館亂咁打卡、大聲喧嘩、偷電煲西米露、唔book酒店瞓M記、周街坐、問人借錢——我並唔係話呢啲唔係問題，呢啲係「行為問題」。
但你唔可以話：「因為佢哋唔捨得買嘢，所以唔配嚟香港」。
因為消費唔係道德標準，錢唔代表品格，人窮唔等於冇教養，窮人都可以有教養。我唔見得高消費嘅自由行，佢地又真係每個都對香港有尊重、守規矩、有文化欣賞力。反而我見過好多人，買名牌買到全身，但對人冷漠、對規則無視、鬧爆地鐵職員，問你知唔知我係邊個。
到底呢啲行為係「冇錢嘅問題」，定係「行為問題」加「教養問題」？
真正嘅反思應該係：
香港嘅價值觀，係咪已經扭曲到「會比錢消費嘅就等於好，唔買嘢就唔配存在」？問題真係呢個咩？
沒有留言:
發佈留言