《你大個啲就會明》

對於一個自感冇時間的人心目中，佢想要嘅，係一個現在就可以見效的解決方法、一眼望到頭的確定性。

經歷過同一個階段之後，先開始明白 「你大個啲就會明」 「你仲有時間」呢啲説話其實係有佢嘅意義。因為經歷過先有point of reference，知道咁樣好正常，而過渡呢個階段冇捷徑，只可以用時間、同自己嘅內心蘑爛蓆。

因為所有改變都需要時間。

冇人會一覺醒來，變得聰明睿智參透人世間嘅道理，變得了解自己。要了解自己、搵到方向，需要觀察自己。而觀察係一個過程，需要時間。觀察後搵到自己個pattern、試唔同option試錯、再修正，全部都需要時間。

而如果你唔係下一秒暴斃，你都仲有時間。

你可以去做 — 可以呢刻就起身做運動拉筋，防止鈣質流失容易整親。可以呢刻就做家務、食好西、寫文、約朋友出去玩、睇下有咩工可以轉、搵下人生仲有咩option可以選擇。 然後持續執行（which極度需要紀律，呢個又係另一個課題）。

去到一日，sooner or later，你會發現自己仍然會焦慮，但你無覺得趕時間，因為你見到自己嘅選擇，日積月累鋪好咗一條路。未來嘅路點樣，仍然不確定，但你知道你可以隨時揀。大環境你未必有得揀，但信我，呢啲細嘅選擇比你想像中嚟得更加有影響力。