《克服無力感就係去做》

某一日我自然醒，賴床碌到1點，然後因為已經1點所以覺得算啦今日休息下。橫掂都唔夠時間做晒啲嘢，心情唔好於是睇下netflix，睇下無聊嘢，過咗成日。夜晚我一定好焦慮，覺得自己浪費時間。第二日起身都會冇動力，因為覺得自己廢。

呢個係vicious cycle嚟。而做番好，只係需要一個決定，一個念頭。

「好，我而家落床去刷牙洗面。」然後心不甘情不願咁落床。

That’s it. It’s all about determination.

所謂嘅意志堅定，唔係一個State of mind，而係好多個當下，你都決定follow through，都決定「去做」。呢個係練習嚟，有時我都會懶咗。但點樣懶少啲，係可以控制。意志力係練習返黎。積少成多，就會做咗好多嘢。

無力感侵襲嘅時候，俾自己沉澱下。將嗰啲焦躁變成你坐埋張枱嘅動力，而唔係邊睇netflix邊困擾著你嘅罪惡感。同埋記得，休息都係正經事。