有冇發現，一同父母傾偈就覺得心煩，無端端火滾？其實，呢種反應係潛意識嘅「條件反射」。
細個時，可能你講啲嘢父母唔理你，甚至仲要打擊你。你逐漸學識唔再表達自己，因為次次講都被否定，心入面已經覺得講都無用。咁樣日積月累，當你長大後，父母一開口，你就自然煩躁，無論佢哋講乜，你潛意識入面都覺得自己會被「傷害」。
仲有，有啲父母鍾意攞你同人比較，係因為佢哋自己都唔滿足，無形中將呢啲情緒投射喺你身上。其實，你唔係厭惡父母，而係厭惡呢種不斷被負面情緒影響嘅感覺。
所以，當你覺得同父母無法溝通，最緊要就係唔好同佢哋爭論，更唔好期望改變佢哋，因為你改變唔到任何人。繼續爭只會將自己拖返細個嗰陣嘅創傷體驗，重溫呢啲痛苦。
記住，失望、遠離、放低，唔代表唔孝順，反而係唔再期待佢哋改變，先至係真正成長嘅開始。
沒有留言:
發佈留言